सुदूरपश्चिमका भौतिक पूर्वाधार मन्त्रीविरुद्ध प्रहरीमा जाहेरी

0
SHARES
4
VIEWS

 सुदूरपश्चिम प्रदेशका भौतिक पूर्वाधार विकासमन्त्री दीर्घ सोडारीविरुद्ध प्रहरीमा जाहेरी दर्ता भएको छ।

नेकपा एमाले सुदूरपश्चिम प्रदेशका सचिव राजेन्द्र रावलले मन्त्री सोडारीविरुद्ध जिल्ला प्रहरी कार्यालय कैलीमा जाहेरी दर्ता गराएका हुन्।

उनले बुधबार सार्वजनिक हित सुरक्षा, सुविधा हक तथा अभद्र व्यवहार कसुर शीर्षकमा जाहेरी दिएका हुन्। जिल्ला प्रहरी कार्यालय कैलालीका प्रवक्ता प्रहरी नायव उपरीक्षक प्रतीक विष्टले मन्त्री सोडारीविरुद्ध जाहेरी दर्ता भएको बताए।

जाहेरी दर्तापछि अनुसन्धानको प्रक्रिया अगाडि बढाएको प्रहरी उपरीक्षक बिष्टले बताए। सोडारीले प्रदेश सचिव रावलमाथि आफ्नै कार्यकक्षमा सोमबार साँझ हातपात गर्दै दुर्व्यवहार गरेको जाहेरीमा उल्लेख गरेका छन्।

पार्टी सचिवको हैसियतमा मुख्यमन्त्रीविरुद्धको अविश्वासको प्रस्तावको विपक्षमा मतदान गर्न निर्देशनात्मक पत्र बुझाउ गएको समयमा मन्त्री सोडारीले आफूमाथि हातपात गरेको रावलले बताएका छन्। मन्त्रीको सचिवालयले भने रावलले नै मन्त्रीमाथि दुर्व्यवहार गरेको दाबी गरेको छ।

मन्त्री सोडारी नेकपा एमालेको नेपाल समूहका नेता हुन् भने रावल ओली समूहका प्रदेश सचिव हुन्।

Share on facebook
फेसबुक
Share on twitter
ट्वीटर
Share on whatsapp
व्हाट्सएप
Share on linkedin
लिंकडिन
Share on email
ई-मेल
Share on pinterest
पिनट्रेस्ट

प्रतिक्रिया राख्नुहोस्

Discussion about this post

सम्बन्धित खबर

लोकप्रिय

error: चेतावनी: यस पोर्टल देखि समाचार कपी गर्न निषेध गरिएको छ! !!